Trompa, birimbau, arpa de boca ou guimbarda son algúns dos moitos nomes que recibe este instrumento musical que contén unha importante carga significativa na cultura popular europea.

Felipe Pedrell no seu Diccionario técnico de la música publicado no ano 1894 recolle a voz trompa gallega, que xa utilizaban músicos e artesáns galegos e asturianos ademais do propio Cervantes no século XVI.

Este instrumento coñecido en todo o mundo mantívose vivo no Concello da Fonsagrada gracias a intérpretes coma Emilio Pérez (Emilio do Pando), César Fernández e o desaparecido Herminio Villaverde (O Cazote de Fonfría) ademais do tamén desaparecido constructor Otilio Álvarez. Coñécense tamén da súa existencia en Asturias e noutros lugares de Galicia.

Está composto por un marco de metal e unha lingüeta ou palleta normalmente do mesmo material, esta última suxeitase ao marco por medio de unha cuña.

Actualmente é un instrumento en vías de recuperación debido a que non fai moitos anos estivo en serio perigo de desaparecer.

Asociación Ibérica da Trompa ou arpa de boca

Para asociarse ou calquera outra información nos teléfonos 627 401 171 ; 622 029 852 ou no enderezo electrónico asoc.ibericadatrompa@gmail.com